العمر في لحظات

أبريل 3, 2008 at 8:57 م | In شئ من حياتي | 6 Comments

يالله ما بعرف كانو الزمن قرب ينتهي

صايرة عم حس الساعة ثانية

واليوم ساعة

والاسبوع يوم

والشهر اسبوع

وهيك انو شو السبب ما بعرف

بس يمكن السبب هو الفراغ الي بحياتي وانا ما عم اعرف ملي

عم حاول حاليا ملي بس انشا الله تكون طرق تملاية وقتي صحيحة

احيانا بقعد برجع للماضي بحياتي وبتذكر ايام طفولتي كانت ايام مافيها غير اللعب والفرح

ما كان عندو الانسان هموم بتذكر ايام ما كنت اطلع العب بالطابة والكلال

صحي انا وصغيرة كنت اشبه الصبيان بلعبون انو كل البنات كانو يلعبو بالباربي

الا انا كنت العب الكلال والطابة

حتى انو انا كبرت وبقيت العب العاب الصبيان الاكبر متل البسكليت والمتورات وهيك

بتذكر كل ما مر صبي من حارتنا الي بالمصيف وقفو واستأجر منو متورو

ايام الواحد بيحب يتذكرا ويسترجع اديش كانت حلوة

اه واه على ايام النوم الساعة 9المسا

كنت ارجع من اللعب تعبانة حط راسي ونا

اما هلق اي اذا بنام الساعة 6الصبح بيكون منيح كتير

انا حاليا عم حاول نظم حياتي من جديد

بس ايام بتمر على الانسان بيكون فيا كتير مزعوج بس بيحاول يغير

وهيك بقى دائما ماما كانت تقلي الله يرحم ايام زمان وقت الي ما كان في وسائل تسلية وكانوينامو بلا كهارب

وكانو مع كل هاد يتسلو

اما هلق نحنا متوفرلنا كل وسائل التسيلة ومع هيك منبقى مالين

تعليقات »

خلاصة "RSS" للتعليقات على هذه التدوينة. عنوان التتبع

  1. أيام الطفولة مستحيل تنتسى

    يمكن لما كنا صغار ما كنا حاسينها حلوة، بس لما نكبر بتحلى بعينا!

    بس شو ما صار ما لازم نعيش بالماضي .. الماضي خلص شي مضى ..

    عيشي لحظتك .. وحبيها .. ودايما انت يلي فيكي تخلقي ذكريات حلوة .. حتى بينك وبين حالك

    Comment بواسطة fatosha — أبريل 4, 2008 #

  2. اي والله من كثر ما بيحكولنا عن أيام زمان عنجد بتمنى أرجع عيش فيها .. هلأ وقت نسمع قصصهن منضحك من قلبنا على بساطة تفكيرن وحياتهن .. بس أيامهن كانت شغلة ..

    أيامنا نحنا صفيت ضياعة بفضاء الذبذبات والإلكترونيات .. أحياناً بتمنى روح اسكن بشي قرية نائية بس كون بعيد عن الضجة يلي ما لها طعمة ولا نقاء ولا راحة ..

    Comment بواسطة مستر بلوند — أبريل 6, 2008 #

  3. مستر بلوند وفتوشة اولا شكرا الكون
    تانيا مافي احلى من ذكريات الطفولة
    ومن ايام زمان انا بتمنى ارجع عيش
    بلا كهربا
    عنجد يمكن الحياة بتكون احلا
    وتقعد على الحصير وتاكل زيتون شاي وصوبيا حطب
    انا هيك دائما بفكر
    بس للاسف التكنولوجيا بعدتنا عن هالشي

    Comment بواسطة nddo — أبريل 6, 2008 #

  4. معك حق يا نادين ، هالتكنولوجيا أبعدتنا عن كتير شغلات ، كتير أحيانا بحس حالي غريب.

    سلام

    Comment بواسطة Syrian Student — أبريل 8, 2008 #

  5. أيام الطفولة ما بتتنسي, وللآسف ما بترجع :) :(

    Comment بواسطة أحمد نذير بكداش — مايو 3, 2008 #

  6. المسألة مو على وسائل الترفيه ..

    بل ثقافة الموجود والممنوع ..

    يعني زمان .. ما كانوا يشعرون بحسد وغيظ وقهر ومدري إيش .. لأنهم كلهم كانوا متقاربين في المعيشة وما كانت مظاهر الترف متوفرة ..

    لكن اليوم .. تتفاوت المستويات الاجتماعية والمادية بشكل كبير ..

    وصار الكل يريد يكون في القمة .. حتى الأطفال ..

    وبس :)

    Comment بواسطة مُـنِـيـرَة — يونيو 4, 2008 #


أضف تعليق

XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>

المدونة لدى WordPress.com. | Theme: Pool by Borja Fernandez.
Entries and comments feeds.