مدونة نادين

خربشاتي على رمل الشاطئ

فقراء
فقراء.. نعم ..لكنهم سعداء!!
للوهلة الاولى نظن بانهم تعساء ولكن اذا نظرت
بقلبك لرأيتهم يختبرون السعادة الحقيقية
التي طالما حلمنا بها نحن !!.
انهم سعداء بهذا (اللاشيء) عندهم لانهم على علم بانهم ليسوا باجسادهم وهويتهم وحضارتهم…
لنكتشف معا سر وجودنا على هذا الممر
ولنتأمل معا لان التعامل هو الطريق الوحيد الى الحقيقة
وطوبى للفقراء الى الله !!

هل انت في السجن؟
هل انت في سجن زينته القضبان الحديدية والظلمة الحالكة ؟
نعم نحن كلنا كذلك !!
كلنا في سجن من صنع ايدينا … انظر جيدا وسترى ماذا يخطر
ببالك في هذه اللحظة !!
الخوف… انه الخوف من الغد… الآن هو الوقت الوحيد الذي تملكه
وغداً هو الوقت الذي يملكك وانت لا تملكه !!
الخيار لك …اما السجن او الحرية التي وجدت معك قبل ان تولد
كلنا ولدنا احرار … وكلنا يعلم أين هو باب الحرية !!
فما علينا الا حرية الاختيار

Continue Reading خربشاتي على رمل الشاطئ…

العمر في لحظات

يالله ما بعرف كانو الزمن قرب ينتهي

صايرة عم حس الساعة ثانية

واليوم ساعة

والاسبوع يوم

والشهر اسبوع

وهيك انو شو السبب ما بعرف

بس يمكن السبب هو الفراغ الي بحياتي وانا ما عم اعرف ملي

عم حاول حاليا ملي بس انشا الله تكون طرق تملاية وقتي صحيحة

احيانا بقعد برجع للماضي بحياتي وبتذكر ايام طفولتي كانت ايام مافيها غير اللعب والفرح

ما كان عندو الانسان هموم بتذكر ايام ما كنت اطلع العب بالطابة والكلال

صحي انا وصغيرة كنت اشبه الصبيان بلعبون انو كل البنات كانو يلعبو بالباربي

الا انا كنت العب الكلال والطابة

حتى انو انا كبرت وبقيت العب العاب الصبيان الاكبر متل البسكليت والمتورات وهيك

بتذكر كل ما مر صبي من حارتنا الي بالمصيف وقفو واستأجر منو متورو

ايام الواحد بيحب يتذكرا ويسترجع اديش كانت حلوة

اه واه على ايام النوم الساعة 9المسا

كنت ارجع من اللعب تعبانة حط راسي ونا

اما هلق اي اذا بنام الساعة 6الصبح بيكون منيح كتير

انا حاليا عم حاول نظم حياتي من جديد

بس ايام بتمر على الانسان بيكون فيا كتير مزعوج بس بيحاول يغير

وهيك بقى دائما ماما كانت تقلي الله يرحم ايام زمان وقت الي ما كان في وسائل تسلية وكانوينامو بلا كهارب

وكانو مع كل هاد يتسلو

اما هلق نحنا متوفرلنا كل وسائل التسيلة ومع هيك منبقى مالين

لماذا

انا عم اسأل نفسي ليش سويت هالمدونة وطلع معي انو انا ما عم لاقي انسان احكيلو شي حاسة انو الناس الي بحاتي ما هني الي انا اتعرفت عليون وعشت معون سنين من عمري الكل متغير ما حدا لحدا كل واحد اسألك نفسي لهيك انا عم حاول ابعد عن كتير ناس بحياتي

و بالاخر حسيت انو انا غلط والعالم هني الصح

انا بسبب اخلاصي الزائد للناس الي بحبون صرت اخسر انسان ورا انسان بس للاسف يمكن ما عاد حدا حس

وانا قررت انو من هاليوم ورايح خلي علاقتي مع نفسي وبس وبعد عن كلشي بيزعجني

وبعد عن الشي الي بيزعجني

وبلش اكتب سبب انزعاجي هون مع نفس بس

وانا هاد الي استنتجتو انا لماذا ولماذا

او بالعربي اللاذقاني ليش انا سويت هالمدونة